標籤：慶祝政府派$6000, 慶祝政府派$6000影片, 慶祝政府派$6000消費, 慶祝政府派$6000創作, 慶祝政府派$6000 youtobe影片
人民幣升值，6000元用來消費，轉眼消失得無影無蹤。 ARHO SUNNY今天會參加遊行
本地Rapper ARHO SUNNY（鴉污辛尼），極度不滿財政預算案，創作「放水六千」上載到YouTube，短短四天逼近12萬次點擊率。佢話，係想大家停一停，諗一諗。
放水六千
作曲/填詞/主唱﹕ARHO SUNNY
（財爺話派6000蚊喎 正啊）
好開心有6千蚊
用現金益市民
平息大眾民憤
再無社運 取消遊行
有咩好得過收買人心
香港再無窮人 謝主隆恩
大拿拿六千銀
買iPhone定去旅行
唔使諗 慶幸自己是香港人
一切所有 都唔再追究
天價買發水樓
居屋唔會再有 醫療人手就算唔夠
用埋廿三條去封口
問題依舊 最緊要有錢收
恭迎特首 一齊check it out
如果畀一萬 連普選我都唔撐
諗下點樣慢慢歎 去邊度玩
得啦得啦 其實一啲都唔慘
講咩你都啱 民意可以強姦
反正姦完有錢收番
是但啦
（香港人不要因＄6000冲昏頭腦）
有人話啲官係低能
我開始覺得真
試問用6000蚊點買起抗買爭
錢係嚟自人民 而家還錢於民
如果有心請改善民生 正昏君
領匯害死人 你從來唔過問
港鐵有加冇減 叫人點忍
用錢買到奢侈品但買唔到良心
政府太短視 有人太膚淺太無知
今日你收嘅錢會用喺邊
明顯 咪又係嗰幾間公司
只因官商勾結
好多人有唔同觀點
就好似以下人士
A﹕哈哈畀錢我真爽 出iPhone4
B﹕車 派畀我唔稀罕 係咪想提高民望
C﹕未夠秤又冇錢收又有冇搞錯
D﹕錢我照攞 不過繼續反抗
（Yeah 呢度咁多個你到底係邊個）
我叫ARHO SUNNY，今年廿五歲，玩Hip Hop 10年。15歲開始Rap歌，小時候喜歡夜晚出動，四處塗鴉，覺得自己像「鴉污」。以前創作的歌曲不講政治，覺得人總會有不同觀點，沒有大不了，但人長大了，發覺政府做錯的事太多。
星期三看新聞，原本財政司長曾俊華(相關)話退稅會刺激通脹，突然又改口風，取消注資強積金，改派6000元，18歲以上人人有份，難道通脹從此消失？他的說法互相矛盾，輕易轉軚，我唔想中佢圈套。
互相矛盾的事何只這一次，聖誕節特首那一首聖誕歌，明明無online又扮MSN Online，其實由去年政府高呼「起錨」，我已開始頂唔順。
現在「大嗱嗱」6000元，身邊的朋友立即討論買乜買物，有的說要iPad、iPhone，有的則打算去旅行。我未想到如何用這筆錢，但我知道，那一刻非常憤怒，不禁在上班時，偷偷花數小時作了首歌。
歌名《放水六千》，用Rap的方式唱出來，因為歌詞不用受音樂限制，就像平日跟朋友說話一樣，直接告訴香港人﹕不要被六千元冲昏頭腦。
身邊有人話﹕「有錢啊！正啊！」喂，這筆錢原本是我們的，不是政府的，現在政府派錢，我們就要高呼謝主隆恩？衣、食、住、行，通脹升溫，當你望望樓價不斷被炒高，收了這6000元便解決了嗎？
把歌曲上載到YouTube後，有網民話﹕「想造反？政府已經給你錢，還吵什麼？」我對這些批評習以為常，中國人的奴性太強，做得奴隸太久，自然會認為6000元是一筆掩口費。不過，我要的不是一粒糖，而是改變！
我不是讀書的材料，中五會考分數很低。畢業後到Art Centre（香港藝術中心）修讀Visual Art，現在從事平面設計工作，月薪大約萬多元。人大了自然想搬出來住，但買樓？我這個80後真的不敢奢望。
原本與家人同住尖沙嘴，一年前搬出來，但物色出租單位個多月，發現在旺角和尖沙嘴的租金貴得很，最後選擇土瓜灣一個500多呎的單位，月租3000元，還要擔心月租隨時加。還期望曾俊華今次會針對樓價高企出招，誰知什麼都沒有。
市民想靠一雙手創業，即使生意有多好，也敵不過租金急升。領匯租金不斷加，趕絕小商戶，即使在茶餐廳吃飯，一碟碟頭飯也要30多元，這生活壓力，政府知道嗎？240億元，不用來供強積金，可以做的事實在太多，我未試過收錢收得如此憤怒。
Hip Hop精神，是希望大家反思，你做每一年事，背後有何原因，不是別人叫你做就做，「煮到埋嚟就食」。
你，究竟屬哪一種人？
引用自：ARHO SUNNY 放水六千
影片：慶祝政府派$6000 - ARHO SUNNY - 放水六千