三個港女大改造訴心迹
三個港女大改造訴心迹
一周前，一篇《筍盤港男唔要港女》的報道，引來社會極大迴響，而「港女」一詞，更被貶得一文不值。在爭議聲中，有網站趁機籌備一個「敗犬大翻身」的真人騷，但始料不及的是，前往報名參加「大改造」的竟然是一批又一批的「 80後」，原來更多的人擔心自己會變成未來的「敗犬」和「剩女」。真人騷連忙改名，變成了「小敗犬•大作戰」。記者採訪了三名欲參加真人騷的 80後，看看她們怎麼說。
刁蠻公主 CoCo 「覺得 25歲係死期」
「我好任性、刁蠻，有我講冇人講，最鍾意駁嘴，唔會理人哋感受，連屋企人都管唔到我，我有我自由」。 22歲、就讀毅進課程的 CoCo，不諱言自己有嚴重公主病，但她認為最逼切要改造的其實是外觀。
三個港女大改造訴心迹
「我覺得 25歲係死期，家有啲幾歲 o靚妹叫我做 auntie」。偶爾做私影模特兒的她，更曾被網友狠批：「話我呢樣唔得、個樣唔得，又話我太肥，仲有人 msn畀我話：『如果你都做到 model，周秀娜嗰啲叫咩？』」她更親歷一班港男當街取笑一名女子，佢哋會叫啲好肥嘅女仔做『立斯甲敦』。」
不過讓她萌生蛻變的原因，就是前男友一句「傷盡我心的說話」：「佢話你個樣生成咁，叫我點呀？」一向自命天生麗質、對外表從無懷疑的 CoCo，聽罷登時晴天霹靂，更一度想過尋死，最後將自己歸納為「小敗犬」。
經歷這段刻骨銘心的初戀，她反覆檢討，承認拍拖的兩、三年內經常無理取鬧：「幾乎用晒二、三千蚊零用錢買衫，買完又唔着。試過無啦啦衝出馬路！仲十指不沾陽春水，煮個麪都煲燶個煲。」
她表示，刁蠻性格源於成長背景，父母在她小學時期已離異，父改娶、母改嫁，自幼對她被疏於照顧及教育，父母平日只會提供零用錢。
「 Down咗兩年」她決心改變自己，重拾信心：「我想透過今次經歷話畀人知，天生麗質係重要，但識得打扮、包裝同 sell自己，更加重要！」
寸爆 o靚模 Candy 「好多男仔都話我寸」
三個港女大改造訴心迹
「靜啦、內向啦、唔夠主動啩」。 20多歲、做全職模特兒的 Candy，曾於電影《證人》中飾演女警，又拍過政府宣傳片和不少廣告，但性格超內向，又喜歡將自己收埋，就連年齡也不願公開。
身高 5呎 7吋的她，外形不俗，對鏡頭極度敏感，每當見到鏡頭對着她，便不自覺狂擺 pose，就連記者的提問也拋諸腦後。甫開始訪問， Candy隨即暴露「問題所在」，全程問一句答一句，甚至只答兩個字，實在難以溝通。
加上她反應冷淡，好像對所有事情都漠不關心，是個徹頭徹尾的「冰山美人」，「好多男仔都話我寸，可能我冇心，但佢哋就覺得我講嘢好似寸緊佢咁！」難怪她拍拖三、四次，總是無疾而終，再不改造，分分鐘連工作也丟掉。
怕醜女學護 Kiana 「唔爭取就真係剩女」
三個港女大改造訴心迹
「我份人好易緊張同怕醜，同男仔傾偈都係一句起、兩句止，好似冇咩話題咁」。 24歲、在公開大學讀護士系的 Kiana，是典型文靜派女生，長頭髮配上眼鏡，說話陰聲細氣。她認為感情生活至今仍「交白卷」的致命傷，就是「唔夠放」。
眼看着身邊朋友均成雙成對，就連兩個妹妹也拍拖， Kiana心也慌了。雖然沒拖拍，卻有暗戀對象：「之前搞活動合作識嘅，都識咗好耐，佢係一個好開朗嘅男仔、好叻。」
為了爭取幸福， Kiana不得不作出犧牲，就連留了 10多年的中間分界長直髮型，也改為留海曲髮，又向身邊朋友請教「蛻變招數」，但始終未能得到對方青睞。
「笑多咗，就俾人話笑得唔好睇；試過噴香水，點知俾人笑似殺蟲水味；想戴隱形眼鏡，但戴咗三個鐘都戴唔到」。看着時間流逝，她認為轉變是刻不容緩，「我覺得女仔嘅黃金時間係 18歲到 28歲，家叫做仲有少少本錢，再唔去爭取，到時就真係剩女同敗犬喇」。
刁蠻公主
三個港女大改造訴心迹
姓名：謝可宜 Coco
年齡： 22歲
身高： 160cm
體重： 90磅
現職：毅進學生修讀社會科、兼職私影模特兒
自我評價：性格開朗、健談、活力充沛，但缺乏耐性、刁蠻、任性
拍拖次數：一次
為何要改造：曾經聽過一句：「如果你都做到 model，周秀娜嗰啲叫咩？」覺得好難受
改造期望：識得化妝打扮，能夠吸引異性目光
寸爆 o靚模
三個港女大改造訴心迹
姓名：林靄瑩 Candy
年齡： 20多歲（不想透露真實年齡）
身高： 170cm
體重： 110磅
現職：模特兒
自我評價：為人樂觀、勤力、文靜，但不夠溫柔、欠主動
拍拖次數：三、四次
為何要改造：覺得自己冇身材、又醜樣，講嘢又好寸
改造期望：希望有令人眼前一亮嘅外形，同埋令自己學識點樣可以溫柔啲
怕醜女學護
三個港女大改造訴心迹
姓名：莊惠婷 Kiana
年齡： 24歲
身高： 152cm
體重： 108磅
現職：公開大學護士系學生
自我評價：認真、負責任，但膽怯、害羞以及太肥
拍拖次數： 0次
為何要改造：女仔嘅黃金時間係 18歲到 28歲，害怕有一天真的變成剩女或敗犬
改造期望：瘦身，變得健談、風趣、幽默
三個港女大改造訴心迹
引用自：刁蠻公主 寸爆 o靚模 怕醜女學護 三個港女大改造訴心迹
三個港女大改造訴心迹 影片
影片：蘋果日報 - 2011-05-16 - 刁蠻公主 寸爆o靚模 三個港女大改造訴心