唐英年 最新造型照
唐英年 最新造型照
唐英年 最新造型照 自貼床照。唐唐做家訪體驗瞓碌架床滋味，點知俾網民惡搞改圖。
疑似下任特首候選人暨普通市民唐英年，自從公開表示自己仲未正式參選以來，笑料一浪接一浪。佢前日喺個人宣傳網站寫咗篇網誌，內容講述自己探訪荃灣「三無住戶」，仲上載咗一張相；只見唐唐瞓喺張碌架床下格，雙手放腹上，好安詳咁嘅款。
刪咗原圖都冇用
唐唐同佢嘅公關團隊真係好鬼照顧苦悶嘅網民，得閒就放啲潛力材料出來，慌死網民冇嘢搞。呢張劏房攤屍照真係好得，一夜之間，網民惡搞再惡搞，有人幫佢化咗個靚妝，有人移花接木放入棺木。網民係黑心咗啲，喺操守上未免有缺失，不過唐唐大人有大量，一定唔會怪罪佢哋嘅。
但係咁，每個人都有避忌嘢，更何況係唐人？事隔一日，唐唐宣傳網站已經刪除咗呢張攤屍照。可惜為時已晚，網民已經 save咗無數咁多張副本，惡搞依然停不了。所以話，唐唐嘅公關確係英明，係咁意整張相出來，佢嘅知名度已經好似電訊網絡咁，無遠弗屆。
唐英年 最新造型照
引用自：隔牆有耳：自貼床照 唐唐斷正
唐英年 最新造型照 影片
影片：唐唐床照曝光 死唔眼閉( 2011-11-10 )
