十種俾人非禮的處境和應付的方法

(1) 《面對露體男子》
遇到意外係人都會驚，但係如果事前做o左準備，事到臨頭就唔會驚到唔識反應。事先諗一諗有邊D你最可 到的非禮處境，你會點樣做？找一個你覺得適合你的方法。

(2)《公眾地方被非禮》
錯的是對方唔係你。而且唔少女性都曾經被人非禮，佢o地會明白你的處境。如果你出聲，佢o地甚至會幫你。

(3)《其他人的有色目光》
大聲同對方理論，一方面使對方知道你唔怕佢，另一方面，令旁邊D人知道發生緊乜事，令對方有壓力。如果你一向習慣細聲講野，練習直望住人，提高聲線，慢慢地﹑清楚地同對方理論。

(4)《俾侵犯者「窒」番轉頭》：「你自己照o下鏡啦！我會非禮你！？」
事前想一想這些人通常會用什麼歪理，預先想好點樣反駁，就唔怕到時唔識反應。
「你好靚咩，我會非禮你？」
「我唔靚你都非禮，你真有問題！」

(5)《隔離個人好似?o左，越坐越埋，個頭仲挨哂落你膊頭》
你要相信自己o既感覺，如果對方行為令你覺得唔舒服。唔理佢有心還是無意，你都要堅決﹑高聲地表達，令對方明白。亦使在場其他人知道。對佢做成壓力。
「對唔住！先生，我同你唔係咁熟，請你唔好將個頭放到我膊頭喥。」

(6) 《同事執o野俾你時掂到你胸部》
如果對方真係唔小心碰觸到你的身體，佢應該立即向你道歉。如果佢冇咁做，你係完全有理由指出來，要求佢道歉。呢D唔係小題大做，只係教精佢以後要留意（如果佢真係唔小心）。同埋話俾佢知女人受辱唔會啞忍！

(7)《你同侵犯者爭論時，其他人袖手旁觀》
確實係有D人袖手旁觀，睇戲咁睇。但係亦可能係其他人唔知點樣幫你。如果你需要別人幫你，你要主動出聲。讓其他人有機會出聲或出手。
「你o地大家評評道理，架車咁空佢有乜理由迫住我！」
「唔該邊位幫我通知司機，捉住個色狼！」

(8)《侵犯者嚇你：「再嘈，信唔信我打你?！」》
對方恐嚇你，你更加要立即找人幫忙，例如通知公共交通上的工作人員、警察等。

(9)《對方大你：「摸o下你o者，咁就反面，乜你咁老土?！」》
千萬唔好逞一時之勇，你自已係點樣想就跟住自已?想法去做，唔需要理其他人點想。

(10)《阿伯攬住你，一邊話：「你真係越大越靚！」》
唔理佢有心或無意，如果你對一D長輩o既做法好唔舒服就講要出，講得婉轉D就唔怕令佢難堪。
「世伯，我而家大個女啦，唔係細路，唔習慣俾人抱！」