鄧上文
鄧上文
鄧英敏嘅女兒鄧上文（ Shermon）噚日喺將軍澳電視城出席《漫遊汶萊》記者會，着咗一身汶萊服飾嘅鄧上文喺現場自爆喜訊，宣佈自己懷孕 4個月，佢仲話舊年 3月 6日喺蘇梅島結咗婚，認真雙喜臨門。
鄧上文
鄧英敏話唔介意女婿係外國人，佢同老婆飲女婿茶時仲笑到合唔埋口。
鄧上文
鄧上文舊年低調舉行婚禮，只簡單請最 close嘅親友出席。
鄧英敏恨抱兩孫
鄧上文
穿上汶萊民族服嘅鄧上文噚日現身都見佢條腰粗粗哋。
Shermon老公 Andrew係澳洲人，任職私人健身教練同做設計生意，同 Shermon係中學同學，佢哋拍拖拍咗成 12年，雖然 Shermon家未知陀住仔定女，但佢就話 BB性別冇乜所謂，仔女一樣咁開心。今年 28歲嘅 Shermon直言婚後會揀合適嘅工作，之前因為怕 BB小器，所以拍《潛行狙擊》時都唔敢唔拍一啲槍戰場面。至於榮升做公公嘅鄧英敏接受電話訪問時就笑晒口話感覺良好，佢話 Shermon已經大過女，所以唔擔心佢應付唔嚟，不過佢就希望 Shermon可以生夠兩個，最好一仔一女湊成「好」字，咁樣佢就最心滿意足，鄧英敏仲話：「我要勤力少少賺多啲錢買嘢畀個孫。」
鄧上文
引用自：馮仁昭四圍超：靜雞雞嫁老外逾年 鄧上文懷孕 4個月
鄧上文 影片
影片：靜靜雞嫁老外 鄧上文懷孕 4 月(2011-06-30)
